三文魚油份重，如果貓咪腸胃差有機會柯的，所以自家煮的多數用白肉魚多，如大眼雝，牛猛，沙猛等，另外亦可以試下銀魚仔(白飯魚}，原條比佢地食，有很高鈣，鏻同蛋白質，對貓B有益的，但小心貓貓食慣新鮮野反而唔食糧喎！我餵開自製食物加維他命的，所以放兜淨乾會唔食同投訴的，鑵頭都好勉強啊，要小心食雜左貓咀刁。

食商業糧係最易肥，其次就天然糧，跟住自家製，就如人一樣，食麥記肯定好易肥，但有冇益又係另一回事，你宜家儘量搵出以後貓貓食物方針方向，增加佢食量同營養，咁佢就會慢慢大隻番啦，急唔黎的！

始終我覺得貓同狗食天然食品好D，人都唔可能一世食餅乾鑵頭啦！所以我宜家掉番轉，乾糧同鑵頭反而係配菜，但因為始終拍佢唔均衡，所以每餐都會加D維他命。如果你都想自己整，可以試下我餵開以下材料，餐餐兩三樣配撘黎做:
雞柳(主食)、急凍青衣柳、急涷立魚柳、海蝦仁(1隻1餐夠)、銀魚仔、羊肉、鴕鳥肉、大眼雞、紅衫、沙猛魚、雞肝(1week1time only)、鴨心(1week1time only)、鵪鶉蛋、雞蛋、西籣花、南瓜、翠玉瓜等，因我地唔食牛，所以佢都冇得食，你可以加埋牛肉比佢，以上材料用蒸的方法，蒸8-10分左右，蒸完放涼撕細佢，然後捯埋蒸出黎D汁落去，再加小量乾糧，材料一般可以係凍肉鋪買到，所以唔駛日日買，至於鮮魚，你買左後劏好，叫佢唔好洗水，自己番到屋企後都唔好洗淡水，分好1條1袋後立刻放冰箱，食前溶好先洗，都可以keep到3日左右，至於內臟就真係要餐餐買啦，唔留得架。

[ 本帖最後由 heiheifamily 於 2010-4-15 14:50 編輯 ]

引用:

原帖由 doriswong 於 2010-4-15 17:24 發表


真係好豐富.. 我呢就日日都有魚湯俾佢哋飲, 間中都會煮啲鮮魚佢哋食. 我家大咪哥呢好咀刁, 鮮魚唔係次次肯食, 鮮蝦唔食, 雞柳唔食, 罐罐都唔係隻隻味食. 同埋佢腎有事, 要食處方糧, 所以只有天 ...

冇法啦！因平安係FIP走，而為左大吉唔好身子弱而引致冠狀病毒病變，所以咪要比高營養高蛋白食物佢，唯有自己整先覺得好D啦！不過攪到佢連幾款靚罐都唔願食啊。